Wednesday, March 24, 2021

မြန်မာ့အရေး ကုလလူ့အခွင့်အရေးကောင်စီ ဆုံးဖြတ်ချက် ကန့်ကွက်သူမရှိ

နားကားပါပြီ
___________
UN Human Rights Council မြန်မာ့အရေး ကုလလူ့အခွင့်အရေးကောင်စီ ဆုံးဖြတ်ချက် ကန့်ကွက်သူမရှိ အတည်ပြု
VOA Burmese
မြန်မာနိုင်ငံမှာ ဖေဖော်ဝါရီလ ၁ ရက်နေ့က စစ်တပ်ကနေ မြန်မာအရပ်သား အစိုးရကို ဖြုတ်ချတဲ့အပေါ် အပြင်းအထန်ရှုတ်ချထားတဲ့ ကုလသမဂ္ဂလူ့အခွင့်အရေးကောင်စီ ဆုံးဖြတ်ချက်မူကြမ်းကို ကန့်ကွက်သူမရှိ၊ မဲမခွဲဘဲ လူ့အခွင့်အရေးကောင်စီကနေ တညီတည်း ဆုံးဖြတ်အတည်ပြုလိုက်ပါတယ်။
မြန်မာနိုင်ငံမှာ အရေးပေါ်အခြေအနေကြေညာပြီး လွှတ်တော်ကို ပယ်ဖျက်တာ၊ သမ္မတဦးဝင်းမြင့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်အပါအဝင် အစိုးရခေါင်းဆောင်ပိုင်းတွေ၊ နိုင်ငံရေးသမားတွေ သတင်းသမားတွေ အရပ်ဘက်လူမှုအဖွဲ့အစည်းအသီးသီးက ပုဂ္ဂိုလ်တွေကို မတရားဖမ်းဆီးတဲ့အပေါ်မှာလည်း ကုလလူ့အခွင့်အရေးကောင်စီက အပြင်းအထန် ကန့်ကွက် ရှုတ်ချထားပါတယ်။ လက်ရှိကျင်းပနေတဲ့ ၄၆ ကြိမ်မြောက်ကုလသမဂ္ဂ လူ့အခွင့်အရေးကောင်စီ အစည်းအဝေးမှာ ကမ္ဘာအရပ်ရပ်က လူ့အခွင့်အရေးအခြေအနေတွေကို အလေးထားဆွေးနွေးနေကြတာမှာ မြန်မာပြည်အရေးကိစ္စကလည်း အဓိက ဆွေးနွေးစရာအကြောင်းတခုဖြစ်ခဲ့ပါတယ်။
အဆိုမူကြမ်းတင်သွင်းတဲ့ EU ဥရောပသမဂ္ဂရဲ႕ကုလကိုုယ်စားလှယ်က မြန်မာ့လူ့အခွင့်အရေး အခြေအနေအပေါ် အပြင်းထန်ဆုံးရှုတ်ချကြောင်း ခုလိုတင်ပြခဲ့ပါတယ်။
“ရွေးကောက်ခံအရပ်သားအစိုးရကို ဖယ်ရှားပြီး စစ်တပ်က အာဏာရယူထားတဲ့အပေါ် အီးယူက အပြင်းထန်ဆုံး ကန့်ကွက်ရှုတ်ချပါတယ်။ ဒီမိုကရေစီရေး ကာကွယ်နေကြတဲ့မြန်မာပြည်သူတွေနဲ့လည်း အတူရပ်တည်နေပါတယ်။ စိုးရိမ်စရာကောင်းလောက်အောင် လူတွေသတ်ဖြတ်ခံနေရတာ၊ အကြမ်းဖက်နှိပ်စက်ခံရတာတွေကိုလည်း တွေ့မြင်နေရပါတယ်။ ဆန္ဒပြပြည်သူတွေကို ခုလိုသတ်ဖြတ်နေတာ၊ မဆင်မခြင်ဖမ်းဆီးထိန်းသိမ်းနေတာနဲ့ နှိပ်စက်ညှဉ်းပန်းနေတာတွေကို ကုလသမဂ္ဂ လုံခြုံရေးကောင်စီကလည်း စိုးရိ်မ်ကြောင်းရှင်းရှင်းလင်းလင်းပြောဆိုထားပါတယ်။ ငြိမ်းချမ်းစွာအဖြေရှာနိုင်ရေးအတွက် အပြုသဘောဆောင်တဲ့ ဆွေးနွေးမှုတွေလုပ်ပြီး အမျိုးသားရင်ကြားစေ့ရေးလုပ်ဆောင်ဖို့ကြဖို့လည်း ကုလသမဂ္ဂ လုံခြုံရေးကောင်စီကရော၊ အာဆီယံအဖွဲ့ကပါ တိုက်တွန်းတောင်းဆိုထားပါတယ်။ ဖိနှိပ်မှုတွေ တိုးလုပ်လာနေတဲ့ မြန်မာစစ်ဘက်တပ်ဖွဲ့က သူတို့လုပ်ရပ်အတွက်တာဝန်ခံမှု ရှိစေရပါမယ်။ အခြေခံလူ့အခွင့်အရေးအရ လွတ်လပ်စွာ ဆန္ဒထုတ်ဖော်တဲ့ပြည်သူတွေကို အင်အားသုံး နှိမ်နင်းတာတွေရပ်ရပါမယ်။ အရေးပေါ်အခြေအနေ ထုတ်ပြန်တာတွေရော စစ်အုပ်ချုပ်ရေး ထုတ်ပြန်ထားတာတွေကိုပါ ရပ်ပြီး အရပ်သားအစိုးရကို ပြန်လည် အာဏာအပ်နှင်းရပါမယ်။ သမ္မတဦးဝင်းမြင့်နဲ့ ဒေါ်အောင်ဆန်းစုကြည်အပါအဝင် ဖမ်းဆီးထားသူအားလုံးကို ပြန်လွှတ်ပေးဖို့လည်းတောင်းဆိုပါတယ်။"
ငြိမ်းချမ်းစွာဆန္ဒပြသူတွေကို အကြမ်းဖက်ပစ်ခတ်သတ်ဖြတ်နေတာ၊ သတင်းမီဒီယာတွေကို ပိတ်ဆို့ ကန့်သတ်တာ၊ အင်တာနက်ဖြတ်တောက်တာ စတဲ့ လွတ်လပ်ခွင့်တွေ ထိပါးတဲ့ကိစ္စတွေအပေါ်မှာလည်း အလွန်တရာစိုးရိမ်ကြောင်း ဒီ ဆုံးဖြတ်ချက်မှာ ဖော်ပြပါရှိပါတယ်။ ဒီ ဆုံးဖြတ်ချက်မူကြမ်းကို အီးယူ ဥရောပသမဂ္ဂက အဆိုပြု တင်သွင်းခဲ့တာဖြစ်ပြီး ဒီနေ့ လူ့အခွင့်အရေးကောင်စီအစည်းအဝေးမှာ ဒီဆုံးဖြတ်ချက်မူကြမ်းကို ကန့်ကွက်သူမရှိ အတည်ပြုနိုင်ခဲ့တာဖြစ်ပါတယ်။
အရေးပါသည့်အချက်များ
၁။ လွတ်လပ်စွာ ဆန္ဒထုတ်ဖော်တဲ့ပြည်သူတွေကို အင်အားသုံး နှိမ်နင်းတာတွေရပ်ရပါမယ်။ အရေးပေါ်အခြေအနေ ထုတ်ပြန်တာတွေရော စစ်အုပ်ချုပ်ရေး ထုတ်ပြန်ထားတာတွေကိုပါ ရပ်ပြီး အရပ်သားအစိုးရကို ပြန်လည် အာဏာအပ်နှင်းရပါမယ်။ သမ္မတဦးဝင်းမြင့်နဲ့ ဒေါ်အောင်ဆန်းစုကြည်အပါအဝင် ဖမ်းဆီးထားသူအားလုံးကို ပြန်လွှတ်ပေးဖို့လည်းတောင်းဆိုပါတယ်။
၂။ ဒီဆုံးဖြတ်ချက်မူကြမ်းကို ကန့်ကွက်သူမရှိ အတည်ပြုနိုင်ခဲ့
၃။ ကုလသမဂ္ဂက ဖွဲ့စည်းထားတဲ့ မြန်မာနိုင်ငံဆိုင်ရာ လွတ်လပ်တဲ့စုံစမ်းစစ်ဆေးရေးအဖွဲ့ IIMM ရဲ့ အခန်းကဏ္ဍကိုလည်း ထည့်သွင်ထားပြီး ICC နိုင်ငံတကာပြစ်မှုဆိုင်ရာတရားရုံး ICJ နိုင်ငံတကာ တရားရုံး အပါအဝင် နိုင်ငံတကာနဲ့ ဒေသတွင်းတရားရုံးတွေနဲ့ နီးနီးကပ်ကပ် ဆက်သွယ်ဆောင်ရွက်ဖို့ ဆိုတာတွေကိုပါ ထည့်သွင်းထားပါတယ်။
၄။ တရုပ် နှင့် ရုရှား
မြန်မာနိုင်ငံအရေးဟာ စိုးရိမ်စရာကောင်းပေမယ့် ပြည်တွင်းရေးကိစ္စဖြစ်တယ်လို့ တရုတ်ကိုယ်စားလှယ် ပြောပါတယ်။ ဒါပေမဲ့ မဲခွဲဖို့ကို မတိုက်တွန်းခဲ့သလို့ ဒီဆုံးဖြတ်ချက်မူကြမ်း ကန့်ကွက်သလား မေးတဲ့အချိန်မှာလည်း မကန့်ကွက်ခဲ့ပါတယ်။ ရုရှားနိုင်ငံကလည်း မြန်မာ့အရေးစိုးရိမ်ကြောင်းဖော်ပြပြီး ကန့်ကွက်မဲမပေးပါဘူး။ အာဆီယံနိုင်ငံတနိုင်ငံဖြစ်တဲ့ အင်ဒိုနီးရှားနိုင်ငံကတော့ မြန်မာ့အရေးမှာ ညှိနှိုင်းဆွေးနွေးကြမယ်ဆိုရင် အတတ်နိုင်ဆုံးကူညီသွားမယ်လို့ တုံ့ပြန်ခဲ့ပါတယ်။
၅။ အရပ်သားအစိုးရကို ပြန်လည် အာဏာအပ်နှင်းရပါမယ်။

 

No comments: