Monday, March 8, 2021

အာဏာသိမ်းစစ်ကောင်စီသည် ရန်ကုန်နာရေးကူညီမှုအသင်း အားအကြမ်းဖက် ဝင်ရောက် စီးနင်းခဲ့



✅နာရေးကူညီမှုအသင်း(ရန်ကုန်)မှ ထုတ်ပြန်သည်။✅
အာဏာသိမ်းစစ်ကောင်စီသည် မိမိတို့ နာရေးကူညီမှုအသင်း (ရန်ကုန်)သို့ မတ်လ ၃ ရက်နေ့ ည ၁၁ နာရီ မိနစ် ၂၀ ခန့်တွင် အကြမ်းဖက်ဝင်ရောက် စီးနင်းခဲ့ပြီး BOD ရုံးခန်း အမှုဆောင်ရုံးခန်း ပြန်ကြားရေးဌာနနှင့် ဘဏ္ဌာရေးဆိုင်ရာ ဌာနများရှိ မှန်တံခါးများပစ်ခွင်းရိုက်ခွဲ၍ computer များ၊Laptop များ တန်ဖိုးကြီး ကင်မရာများ ၊ ဗီဒီယိုကင်မရာများနှင့် စာရွက်စာတမ်းများအား သိမ်းယူခြင်း အလှူငွေများထားရှိရာ မီးခံသေတ္တာတွင်းမှ ငွေသား အလှူငွေ ကျပ် သိန်း ၅၀၀ ခန့်အား ယူဆောင်သွားခဲ့သည့် အပြင် ညတာဝန်ကျ လုပ်အားပေးများ ဝန်ထမ်းများအား ရိုက်နှက်ကာ ဖုန်းနှင့် ငွေကြေးများအား လုယက် ယူဆောင်သွားခဲ့ပါသည်။
7.3.2021 နေ့တွင် အာဏာသိမ်း စစ်ကောင်စီမှ အသင်းရံပုံငွေ အဖြစ် ထားရှိသော စာရင်းသေ အပ်ငွေ ကျပ် နှစ်ဘီလီယံအား CDM ငွေသားများ ဖြစ်သည် ဆိုသည့် အများပြည်သူ အလှူရှင်များ ထင်ယောင်ထင်မှား ဖော်ပြချက်များ ရေးသားဖော်ပြသည်ကို ၄င်းတို့၏ မီဒီယာများတွင် ကြေငြာဖော်ပြထားသည်ကို တွေ့ရှိရပါသည် ။
အမှန်တကယ်မှာ ထို စာရင်းသေ အပ်ငွေ ကျပ် နှစ်ဘီလီယံမှာ လွန်ခဲ့သော လေးနှစ်ခန့်မှ စတင်ကာ အသင်း၏ရံပုံငွေမှ management team ၏ အစည်းအဝေး ဆုံးဖြတ်ချက်များဖြင့် သက်ဆိုင်ရာ ဘဏ်များ၏ လုပ်ထုံးလုပ်နည်းအတိုင်း စနစ်တကျ အပ်နှံဆောင်ရွက်ခဲ့ခြင်း ဖြစ်သည်ကို ပြည်သူလူထု သိရှိနားလည်စေရန် တင်ပြအပ်ပါသည်။

No comments: