Tuesday, March 16, 2021

Never Give-up, Never Surrender

U.S Army က အငြိမ်းစားပုဂ္ဂိုလ်တစ်ဦးရဲ့ ပြော ကြားချက်တွေထဲက အားတက်စေမယ့် အချက်တွေကို အားလုံးနဲ့ မျှဝေပေးချင်ပါတယ်။ မြန်မာနိုင်ငံရဲ့ လက်ရှိအခြေအနေအပေါ် သူ့ရဲ့အမြင် - သူက American perspective က ကြည့်ပြီး နိုင်ငံတစ်ခုရဲ့ အာဏာကို တည်မြဲစေနိုင်တဲ့ DIME လို့ အတိုခေါ်တဲ့ instruments (၄)ခုကနေ assess လုပ်သွားပါတယ်။ ပထမတစ်ခုက D ဆိုတဲ့ Diplomatic ပါ။ နိုင်ငံတကာ ဆက်ဆံရေး၊ နဲ့ အသိအမှတ်ပြုခံရမှုတို့ ပါဝင်ပါတယ်။ ဒီအချက်မှာ ပြည်သူတွေနိုင်နေပါတယ်။ အကြမ်းဖက်အုပ်စုကို ခုချိန်ထိ ဘယ်နိုင်ငံကမှ အသိအမှတ်မပြုသေးပါဘူး။ နောက်တစ်ခုက I ဆိုတဲ့ Informational ပါ။ သတင်းအချက်အလက်နဲ့ နိုင်ငံတကာ မီဒီယာများရဲ့ ကြေညာချက်တို့ ပါဝင်ပါတယ်။ ဒီ​နေရာမှာ မီဒီယာအာဘော်တွေက ပြည်သူတွေဘက်မှာရှိ​နေလို့ ပြည်သူတွေနိုင်ပါတယ်။ သူတို့ရဲ့ media channel တွေ အကုန်အပိတ်ခံထားရပါတယ်။ ပြီး​​တော့ သူတို့ပြောတာ​တွေလည်း ဘယ်သူမှ အယုံအကြည်မရှိပါဘူး။ နောက်တစ်ခုက M ဆိုတဲ့ Military - စစ်တပ်အင်အားပါ။ ဒီ​နေရာမှာ တော့ လက်နက်အင်အားအရ အကြမ်းဖက်စစ်အုပ်စုက အသာရ နေပါတယ်။ နောက်ဆုံးတစ်ခု E ဆိုတာ Economic - စီးပွားရေးအထောက်အပံ့ပါ။ ဒီ​နေရာမှာတော့ သူက သရေပဲလို့ သုံးသပ်ပါတယ်။ စစ်အုပ်စုမှာ ပိတ်ဆို့ခံထားရတဲ့ စီးပွားရေးအကြပ်အတည်း​တွေ များနေတဲ့ အချိန်မှာ ပြည်သူဖက်မှာ ကူညီပေးချင်တဲ့ နိုင်ငံတကာ အသိုင်းအဝန်းများစွာရှိနေပါတယ်။ ဒါဆိုရင် လက်ရှိအခြေအနေတော်တော်ကောင်းပါတယ်။ တိုင်းပြည်အာဏာ ပြည်သူ့လက်ထဲပြန်ရောက်ဖို့ လိုအပ်တဲ့ ၄ချက်မှာ ၂ချက်နိုင်၊ ၁ချက်သရေ ‌အခြေအနေပါ။ ဒါဆို ရှုံးနေတဲ့ တစ်ချက်အကြောင်းပြောပါမယ်။ စစ်တပ်အင်အား လက်နက်အင်အား မမျှတာကို နိုင်အောင် ဘယ်လိုတိုက်မလဲ? Self-defense - မိမိကိုယ်ကို ခုခံကာကွယ်ပါ။ ဒီနေရာမှာ မိမိကိုယ်ကို ခုခံကာကွယ်ဖို့ နည်းလမ်းများစွာသုံးလို့ရပါတယ်။ ဒါပေမယ့် ကိုယ်ကစပြီး ပြစ်မှုမကျူးလွန်ဖို့ကိုတော့ သူက သတိပေးပါတယ်။ ပြည်သူ့ဖက်က လက်နက်နဲ့ ပြစ်မှုကျူးလွန်ရင် နိုင်ငံတကာအမြင်မှာ offence ဖြစ်နိုင်တဲ့အတွက် သတိထားရပါမယ်။ အကောင်းဆုံး နည်းလမ်းကတော့ disengagement ပါ။ အကြမ်းဖက်အုပ်စုနဲ့ ထိပ်တိုက်မတွေ့ပါနဲ့။ သူတို့ ဒီဖက်လာရင် ကိုယ်တွေနောက်တစ်နေရာမှာ ဆူပူ၊ သူတို့ဒီဖက်ကဝင်ရင် ကိုယ်တွေက ပြောက်ကျားအကွက်ရွှေ့ပါ။ သူတို့က movement တွေကိုမုန်းတဲ့အတွက် ချောင်ပိတ်ချ ချင်တဲ့သူတွေ ဖြစ်ပါတယ်။ ချောင်ပိတ်မခံပါနဲ့။ ရှောင်ပါ။ ရှေ့တန်းထွက်မှ တိုက်ပွဲဝင်တာ မဟုတ်ပါဘူး။ US Army မှာဆို ရှေ့တန်း ၁ ယောက်ထွက်နိုင်ဖို့ နောက်တန်းက ၁၀ယောက် နီးပါးလောက် support လိုပါတယ်တဲ့။ logistics, mental, medics, information စတဲ့ နောက်တန်းက အထောက်အပံ့တွေများစွာလိုပါတယ်။ ဒါကြောင့် ကျွန်တော်တို့လည်း online ပေါ်မှာ တွေ့တဲ့ သတင်းတွေ မှန် မမှန် verify လုပ်ပေးတာ၊ အကြမ်းဖက်တွေရဲ့လမ်းကြောင်းတွေ track လုပ်ပေးတာ၊ သူ့မြို့နယ်နဲ့ သူ ရှေ့တန်းတွေအတွက် ဆေးကုပေးတာ စတဲ့ ​ support တွေ အများကြီးလိုပါတယ်။ Self-R2P - ပြည်သူတွေ R2P အော်နေပေမယ့် နိုင်ငံတကာက ဝင်လာဖို့က အချိန်ကြာအုံးမှာပါ။ ဒီလို ကိုယ့်နည်းကိုယ့်ဟန်နဲ့ ပြန်တိုက်တာကလည်း Self-R2P ပါပဲ။ UN က protect မလုပ်နိုင်​သေး​တော့ ကိုယ့်ဟာကို protect လုပ်ရမှာပါ။ တိုက်ပွဲသဘာဝ အကျအရှုံးကတော့ ရှိ​နိုင်ပါတယ်။ သူကတော့ မြန်မာ ပြည်သားတွေ စစ်ပညာမသင်ဖူးပေမယ့် တီထွင် ကြံဆမှု အရမ်းကောင်းတယ်လို့ ချီးကျူးပါတယ်။ ဒီပွဲမှာ တောင့်ခံနိုင်တဲ့သူက နိုင်မှာပါ။ နှစ်ဖက်လုံးက limited resource ပါ။ သူတို့လည်း unlimited resource ရှိနေတာ မဟုတ်ပါဘူး။ အခုဆိုရင် နယ်စပ်မှာလည်း စစ်ဖြစ်​နေ​တော့ တပ်​တွေ ခွဲ​​ပေးနေရပါတယ်၊ မြို့ပေါ်တွေမှာလည်း ပုန်ကန်မှုတွေက ရပ်တန့်သွားလို့ မရပါဘူး။ ဆက်ပြီး ပုန်ကန်နေရပါမယ်။ Be unpredictable လို့ပြောပါတယ်။ ဒီနေရာမှာ ဒီအချိန်မှာ ဒီလူစုက ဒီလမ်းကြောင်းက လာ ပြီး ဆန္ဒပြတာမျိုး မလုပ်ရပါဘူး။ တိုက်ကွက်ကို အမြဲပြောင်းရပါမယ်။ ပြတဲ့ အချိန်ပြောင်း၊ နေရာပြောင်း၊ ပုံစံပြောင်းရပါမယ်။ သူက shared leadership အကြောင်းလဲ ချီးကျူးပါတယ်။ အဲ့တာ ကျွန်တော်တို့ရဲ့ အားသာချက်၊ အကြမ်းဖက်အုပ်စုရဲ့ အားနည်းချက်လို့လဲ ပြောပါတယ်။ ကျွန်တော်တို့အားလုံးက သူ့နေရာနဲ့သူ ခေါင်းဆောင်တွေပါပဲ။ သူတို့ထင်နေတာ ခေါင်းဆောင် ဒေါ်အောင်ဆန်းစုကြည်ကို ချုပ်ထားရင် တစ်ဖွဲ့လုံးကို ထိန်းနိုင်ပြီထင်တာ အခုတော့ ဘယ်သူခေါင်းဆောင်မှန်း မသိတော့လို့ သူတို့ ခေါင်းကိုက်နေပါ ပြီ။ ​နောက်ဆုံးနဲ့ အ​ရေးကြီးဆုံး၊ သူပြောတာတွေထဲမှာ အကြိုက်ဆုံးအချက်က - Positive Thinking- လူတွေက ဒီလိုအချိန်မျိုးမှာ ကိုယ့် အားနည်းချက် နဲ့ ကိုယ်ရှုံးနေတာကိုပဲ တွေးပြီး စိတ်ဓာတ်ကျနေတတ်ပါတယ်။ ဒါပေမဲ့ သူတို့ဆီမှာ အရင်ဆုံးလေ့ကျင့်ရတာ အကောင်းမြင်စိတ်ထားဖို့နဲ့ ကိုယ့် အားသာချက်ကို ဖော်ထုတ်ပြီး အဲ့ဒီ အားသာချက်ကို တစ်ချိန်လုံးတွေးနေပြီး ရန်သူကို အထိနာစေမယ့် တိုက်ကွက်ကို ရှာဖွေတာပါပဲ။ ကျွန်တော်တို့လိုနေတာလည်း အဲ့ဒါလို့မြင်ပါတယ်။ နိုင်ပါ့မလား? မေးနေတဲ့ သူတွေအတွက်ကျွန်တော်တို့ နိုင်နိုင်ပါတယ်။ ကျွန်တော်တို့ စည်းလုံးဖို့လိုပါတယ်။ ပန်းတိုင်ကို Positive Thinking နဲ့ အရောက်သွားဖို့လိုပါတယ်။ ရေလိုကျင့်ဖို့လိုပါတယ်။ အားမလျော့ဖို့လိုပါတယ်။ Never Give-up, Never Surrender ပါ။ အရေးတော်ပုံအောင်တော့မည်။ အားလုံးပဲ Fighting ပါ။ Crd

No comments: