Sunday, July 25, 2021

ဒုတိယ ဂဠုန်ဦးစောနဲ့ ဒေါ်အောင်ဆန်းစုကြည်

ဆရာနှင့်ကျွန်တော်-၃

 ================

           သမီးကြီးကို၃၀.၁၀.၈၉မှာမွေးပြီး(၁၆)ရက်အကြာ၁၆.၁၁.၈၉မှာ မအူပင်ခရိုင်ဓနုဖြူမြိုနယ်ကနေ ပုသိမ်ခရိုင်ရေကြည်မြို့နယ်ကို မ.ဝ.တ အတွင်းရေးမှုးအဖြစ်ပြောင်းရွှေ့တာဝန်ထမ်းဆောင်ရပါတယ်၊

တိုင်းမှုးရဲ့မူအရမြို့နယ်တစ်ခုမှာတစ်နှစ်ကျော်ကြာတဲ့အတွင်းရေးမှုး၊ဥက္ကဋ္ဌတွေကိုတိုင်းအတွင်းပြောင်းရွှေ့တာဝန်ထမ်းဆောင်စေခြင်းဖြစ်ပါတယ်၊ပုဂ္ဂိုလ်ရေးရင်းနှီးလာရင်မလိုလားအပ်တဲ့နောက်ဆက်တွဲပြဿနာတွေမဖြစ်စေလိုတဲ့သဘောထင်ပါတယ်၊

ကျွန်တော်မပြောင်းရွှေ့ရခင်တလလောက်စောပြီးဥက္ကဋ္ဌဖြစ်သူဗိုလ်မှုးတင်ဖေအေးလည်းဓနုဖြူကနေပုသိမ်အနောက်မြို့နယ်ဥက္ကဋ္ဌအဖြစ်ပြောင်းရွှေ့ရပါတယ်၊ဒီနေရာမှာဆက်စပ်တာလေးတခုတင်ပြလိုပါတယ်။

                   ၂၀၁၅ခှုနှစ်ဇူလိုင်လ(၁၃)ရက်နေ့(တနင်းလာ)နေ့ထုတ်Oriental News Vol1 No25မှာ

ပုသိမ်ကဒေါက်တာစစ်တင်(G.P)ဆိုသူက"ကျွန်တော်နှင့်ဒေါ်အောင်ဆန်းစုကြည်-၅"ဆိုတဲ့ဆောင်းပါးမှာ"ဂဠုန်ဦးစောနှင့်ဒေါ်အောင်ဆန်းစုကြည်"ဆိုတဲ့ခေါင်းစဉ်ဖြင့် သူဟာဗိုလ်မှုးတင်ဖေအေးဆိုသူနှင့်မထင်မှတ်ပဲတွေ့ဆုံရင်းနှီးခွင့်ရစဉ်ဓနုဖြူဖြစ်စဉ်နှင့်ပါတ်သက်ပြီးမေးမြန်းကြည့်တဲ့အခါ ... ဒုတိယဂဠုန်ဦးစောတစ်ယောက်ကြောင့်ဗိုလ်ချုပ်သမီးရဲ့အသက်ကိုမထိခိုက်စေလိုတဲ့စေတနာကြောင့်တားမြစ်ခဲ့တာဖြစ်ကြောင်း...၊အဲဒီလိုတားမြစ်ခဲ့မှု့ကြောင့်သူလည်းတပ်မတော်ကနေနှုတ်ထွက်လိုက်ရပြီးသေနတ်နဲ့ပစ်ဖို့ကြိုးစားတဲ့ဗိုလ်ကြီးမြင့်ဦးကတော့ရာထူးပင်တိုးသွားကြောင်းဆောင်းပါးမှာလုပ်ကြံဖန်တည်းရေးသားခဲ့လို့... ကျွန်တော်ကိုယ်တိုင်အဲဒီဂျာနယ်တိုက်ကိုသွားပြီးအဖြစ်မှန်ဆောင်းပါးအပြင်၅မီးနစ်အင်တာဗျူးပါလုပ်ပြီးတုန့်ပြန်ရေးသားခဲ့ရာမှာOriental Newsဂျာနယ်ကSpecial Featureကဏ္ဏအနေနဲ့ကိုဖော်ပြခဲ့ပါတယ်။

                  Drစစ်တင်(G.P)ရေးတဲ့ဆောင်းပါးနဲ့ကျွန်တော်ရေးတဲ့ဆောင်းပါးကိုပူးတွဲတင်ပြလိုက်ပါတယ်။

----------------------------------------------------------------------------

Oriental News Journal, Vol,1, No.25 & 26 မှ ကူးယူပါသည်။

ကျွန်တော်နဲ့ ဒေါ်အောင်ဆန်းစုကြည် - ၅


Author: ဒေါက်တာ စစ်တင် (G .P) 


ဒုတိယ ဂဠုန်ဦးစောနဲ့ ဒေါ်အောင်ဆန်းစုကြည်

 

          ၁၉၈၉ခုနှစ်မှာ ဒေါ်အောင်ဆန်းစုကြည် ခေါင်းဆောင်တဲ့ အမျိုးသားဒီမိုကရေစီအဖွဲ့ချုပ် စည်းရုံးရေး ခရီးစဉ်များဟာ အခက်အခဲများနဲ့ ရင်ဆိုင်ရဆုံးကာလဖြစ်ပါတယ်။ ၁၉၈၈ ခုနှစ်၊ စက်တင်ဘာလမှာ ရှစ်လေးလုံးအရေးတော်ပုံကြီးကို တပ်မတော်က ရက်ရက်စက်စက် ဖြိုခွင်းပြီးနောက် ငြိမ်ဝပ်ပိပြားမှု တည်ဆောက်ရေးအဖွဲ့ဆိုပြီး စစ်အစိုးရ ပေါ်လာခဲ့တယ်။

 

          ၁၉၈၉ ခုနှစ်မှာ ပါတီတွေတည်ထောင်ခွင့် ပေး တော့ ဗိုလ်ချုပ်ကြီး(အငြိမ်းစား) ဦးတင်ဦး နဲ့ ဒေါ်အောင် ဆန်းစုကြည်တို့ဦးဆောင်တဲ့ အမျိုးသားဒီမိုကရေစီ အဖွဲ့ချုပ်ပေါ်လာခဲ့တယ်။

 မြန်မာပြည်သူများဟာ ဒီပါတီကို အလွန်စိတ်ဝင်စားကြပြီး ပါတီဝင်လျှောက်ကြတာ အံ့သြစရာပါ။ အချိန်တိုအတွင်းမှာ ပါတီဝင်ဦးရေအများ ကြီးရခဲ့တယ်။ ဒီအချိန်ဟာ အာဏာသိမ်းအကြမ်းဖက်မှု တွေလုပ်ခဲ့တဲ့ စစ်အစိုးရကလည်း ပြည်သူတွေကို ပြား ပြားဝပ်အောင် ဖိနှိပ်နေတဲ့အချိန်ဖြစ်တယ်။ ပြည်သူတွေ ကိုဖိနှိပ်မှုမှာ၊  နိုင်ငံရေး သမားတွေကို နှိပ်စက်ရာမှာ၊ ပါတီ တွေကို တားမြစ်ချုပ်ချယ်ရာမှာ ဧရာဝတီတိုင်းကအဆိုး ဆုံးဖြစ်ခဲ့ပါတယ်။

          နိုင်ငံရေးပါတီခေါင်းဆောင်တွေကလည်း ပါတီ ဝင်တွေနဲ့တွေ့ရအောင်နယ်လှည့်ပြီးလူထုကြားကွင်း ဆင်းရတယ်။ ရွေးကောက်ပွဲကော်မရှင်က ချမှတ်ထား တဲ့ ... ဥပဒေအတိုင်း ပြောဆိုစည်းရုံးကြရတယ်။ အဲဒီတော့ စစ်တပ်နဲ့ပါတီခေါင်းဆောင်တွေ ထိပ်တိုက်တွေ့ပါတော့ တယ်။ ဒေါ်အောင်းဆန်းစုကြည်ရဲ့ ဧရာဝတီတိုင်း ဓနုဖြူမြို့ စည်းရုံးရေး ခရီးစဉ်မှာ ဒေသခံစစ်တပ်နဲ့ ထိပ်တိုက်ရင် ဆိုင်ခဲ့တဲ့အဖြစ်အပျက်ကို ပြန်ပြောပြချင်တယ်။ 

ဓနုဖြူ မြို့ကိုရောက်တော့ ဒေါ်စုနဲ့ကျွန်တော်တို့ အဖွဲ့ချုပ်ဝင်တွေ လျှောက်မဲ့လမ်းမှာ ဗိုလ်ကြီးတစ်ဦး ခေါင်းဆောင်တဲ့ စစ်သားဆယ်ဦးခန့်က ပိတ်ဆို့တားဆီးထားတယ်။ ဗိုလ်ကြီးကရှေ့ဆက်လျှောက်လာပါက... သေနတ်နဲ့ပစ်မယ်လို့ အသံချဲ့စက်နဲ့အော်နေပါတယ်။ သူကပစ္စတိုသေနတ်နဲ့ ဒေါ်စုနဲ့ကျွန်တော်တို့ဘက်ကို အသင့်ချိန်ထားသလို ဘေးကရဲဘော်တွေကလည်း လက်နက်တွေနဲ့ဒူးထောက်ပြီးအသင့်ချိန်ထားတယ်။ ကျွန်တော်တို့ လူငယ်တွေ မဆုံးဖြတ်ရဲဖြစ်နေချိန်မှာ ဒေါ်စုကရှေ့ဆုံးက (ပုံပါအတိုင်း) ဆက်လျှောက်ခဲ့တယ်။

          အဲ့ဒီအချိန်မှာ ၎င်းဗိုလ်ကြီးထက်ရာထူးကြီးတဲ့ ဗိုလ်မှူးတစ်ဦးရောက်လာပြီး ပစ္စတိုသေနတ်ကိုဖယ် လိုက်မှအေးချမ်းသွားခဲ့ပါတယ်။ သို့သော်လည်း ဗိုလ်ကြီးကစိတ်ဆိုးပြီးလူအများရှေ့မှာ သူ့ပခုံးပေါ်ကအပွင့် တွေကို ဆွဲချွတ်ကာလွှင့်ပစ်လိုက်ပုံကို မျက်စိထဲစွဲထင် ကျန်ရစ်ခဲ့တယ်။ ဆယ်နှစ်လောက်ကြာပြီးတဲ့အခါ ...ဒီအဖြစ်အပျက်မှာပါဝင်ခဲ့တဲ့ဗိုလ်မှူးနဲ့ ရင်းရင်းနှီးနှီး ပြန်ဆုံဖြစ်တယ်။ သူပြောပြချက်အရ သေနတ်နဲ့ပစ်မယ့် ဗိုလ်ကြီးက ရာထူးတိုးသွားပြီး တားမြစ်ခဲ့တဲ့ ဗိုလ်မှူးဖြစ်တဲ့သူက စစ်တပ်ကအနားယူခဲ့ရတယ်။ ကျွန်တော်က ဗိုလ်မှူးအငြိမ်းစားကို အဲဒီအချိန်တုန်းက ဒေါ်စုကို ပစ္စတိုသေနတ်နဲ့ ချိန်ထားတဲ့ ဗိုလ်ကြီးကို ဘယ်လိုပြော ပြီး အမိန့်ပေးခဲ့သလဲလို့မေးမိပါတယ်။ အငြိမ်းစား ဗိုလ်မှူး ပြန်ဖြေတဲ့စကားကိုကြားရတော့ သူ့ကိုလေးစား စွာဦးညွှတ်ဂုဏ်ပြုလိုက်မိပါတယ်။ အငြိမ်းစား ဗိုလ်မှူး ပြန် ဖြေခဲ့တာက . . . . .

          ဒုတိယဂဠုန်ဦးစော မဖြစ်ပါစေနဲ့လို့ . . . ပြောပြီး သေနတ်ဖယ်ဖို့ အမိန့်ပေးခဲ့တာပါတဲ့။

ဒေါက်တာ စစ်တင် (G .P)

                                           *********************************

                                     

စာဖတ်သူသို့

 

          ၂ဝ၁၅ ခု၊ ဇူလိုင်လ ၁၃ ရက်၊ တနင်္လာနေ့ထုတ် Oriental News  ဂျာနယ်၊ စာမျက်နှာအချပ်ပို D  ပါ၊ ဆောင်းပါးရှင် ဒေါက်တာစစ်တင် (G .P­) ၏ ကျွန်တော် နှင့် ဒေါ်အောင်ဆန်းစုကြည်-၅၊ ဒုတိယဂဠုန်ဦးစောနဲ့ ဒေါ်အောင်ဆန်းစုကြည်-ခေါင်းစဉ်ပါ ဆောင်းပါးနှင့် ပတ်သက်၍ အခင်းဖြစ်စဉ်၌ အဓိက ပါဝင်ခဲ့သူ ဗိုလ်ကြီးမြင့် ဦး(ငြိမ်း) က လူကိုယ်တိုင်ဂျာနယ်တိုက်သို့ လာရောက် ၍ဖြစ်ရပ်မှန်ကို နှုတ်အားဖြင့်ရှင်းလင်းပြောပြသလို၊ အဆင်သင့်ရေးသားထားသည့် ဖြေရှင်းချက်ဆောင်းပါးတိုတစ်ပုဒ်ကိုလည်း အယ်ဒီတာအဖွဲ့လက်ဝယ်သို့ပေးပို့ လာခဲ့ပါသည်။

          ယခုအပတ် Special Feature ကဏ္ဍတွင် ဓနုဖြူ မြို့ဖြစ်စဉ်၌ အဓိကပါဝင်ခဲ့သူ ဗိုလ်ကြီးမြင့်ဦး(ငြိမ်း)၏ တုံ့ပြန်ဖြေရှင်းချက် ဆောင်းပါးနှင့်အတူကာယကံရှင် အားတွေ့ဆုံမေးမြန်းထားသည့် ငါးမိနစ်အင်တာဗျူးကို ပါ ပူးတွဲဖော်ပြပေးလိုက်ပါသည်။

          Oriental News  အယ်ဒီတာအဖွဲ့အနေဖြင့် ကမ္ဘာသိ၊ မြန်မာသိ ဖြစ်ရပ်တစ်ခုအပေါ် ဘက်နှစ်ဘက် ၏အသံကို စာဖတ်ပရိသတ်ထံမှောက် ချစ်ခြင်း၊ မုန်းခြင်း ကင်းစွာဖြင့် တင်ပြလိုက်ခြင်းသာ ဖြစ်ပါကြောင်း။

                                                                                                              အယ်ဒီတာအဖွဲ့

 

  ကျွန်တော် ဒုတိယဂဠုန်ဦးစော မဖြစ်ချင်ခဲ့ပါ . . . . . . .


          ၁၃၊ ၇၊ ၂ဝ၁၅ ရက်နေ့ထုတ် Oriental News  အရှေ့တိုင်းဂျာနယ် NO . 25  ဒေါက်တာစစ်တင် G.P  ရဲ့ ဒုတိယဂဠုန်ဦးစောနဲ့ ဒေါ်အောင်ဆန်းစုကြည်ဆိုတဲ့ ဆောင်းပါးကြောင့်ဒီစာကိုရေးဖြစ်ပါတယ်။ ဒါဟာ ဒုတိယမြောက် ရေးခြင်းပါ။ ပထမအကြိမ်စာရေးဆရာ အောင်မြင်သူ (ဒုတိယဗိုလ်မှူးကြီး၊ ဟိုတယ်/ခရီးညွှန်မှူး-ငြိမ်း)က ၂ဝ၁၂ ခုနှစ်အောက်တိုဘာလမှာ Hot News  ဂျာနယ်ကနေ  ရင်ခုန်ခဲ့ကြသူများဆိုတဲ့ဆောင်းပါးနဲ့ ကျွန်တော့်ကိုပထမအကြိမ် ဂဠုန်ဦးစောနဲ့နှိုင်းပြီး ရေးလို့ ကျွန်တော်ပြန်လည်ရေးသားခဲ့ပြီးပါပြီ။ ဒေါက်တာစစ်တင်ဖတ်ဖြစ်မလားတော့ မသိပါ။

 ဒေါက်တာစစ်တင်ရေးတဲ့အကြောင်းအရာက ကိုအောင်မြင်သူ ရေးသလိုပါပဲ။ ဗိုလ်မှူးတင်ဖေအေးက ဒီမိုကရေစီ ချစ်မြတ်နိုးတဲ့စစ်သား၊ ဒေါ်အောင်ဆန်း စုကြည်က တကယ့်သတ္တိခဲ သူရဲကောင်း အာဇာနည်၊ ကျွန်တော်က ဒီမိုကရေစီမလိုလားသူ စစ်သားလူရမ်းကား။  ဂဠုန်ဦးစောကဲ့သို့ လူယုတ်မာတံဆိပ်ကပ်ပေး တာကတော့ ကိုအောင်မြင်သူနဲ့ ဒေါက်တာတို့ ပူးပေါင်း ပြီး ဒီဆောင်းပါးကိုရေးခဲ့သလားလို့တောင် ထင်မိပါ တယ်။

          ကျွန်တော့်မှာလည်း သာမန်လူသားတစ်ယောက် ရဲ့ မိသားစုဘဝ Family Life  ဆိုတာရှိတယ်။ မျိုးဆက် Generation  ဆိုတာရှိတယ်။ မိသားစု ဂုဏ်သိက္ခာဆိုတဲ့ ဝန်းကျင်အသိုင်းအဝိုင်းရှိတယ်။ တိုင်းပြည်တစ်ခုလုံးက လူ့အရိုင်းအစိုင်းအဖြစ် ဝိုင်းပယ်ထားတဲ့သစ္စာဖောက် လူယုတ်မာ ဂဠုန်ဦးစောနဲ့ပဲ ကျွန်တော့်ကို ဘာလို့ခဏ ခဏနှိုင်းနေကြတာလဲ။ 

အဖြစ်မှန်ကို မသိတဲ့ ပတ်ဝန်းကျင် အသိုင်းအဝိုင်း၊ ကျွန်တော့်မျိုးဆက်နဲ့ပတ်သက်လာမယ့် ပတ်ဝန်းကျင်အသိုင်းအဝိုင်းတွေက ကျွန်တော့်ကို ဘယ်လို လူစားလို့သတ်မှတ်ကြမလဲ။ ဆရာ့အနေနဲ့ ကျွန်တော့်နေရာကနေဝင်ပြီး ကိုယ်ချင်းစာကြည့် စေချင်ပါတယ်။ ကျွန်တော်ဟာ ဘယ်လို တိုင်းပြည် ခေါင်းဆောင်ကိုမှလည်း လုပ်ကြံတာမဟုတ်ဘူး။ အဲဒီ အချိန်ကပေးအပ်တဲ့အမိန့်နဲ့ တာဝန်ဝတ္တရားအရ တားမြစ်ခဲ့ခြင်းသာဖြစ်တယ်။

          အဲဒီပြဿနာမဖြစ်ခင်ကတည်းက အမျိုးသားဒီမိုက ရေစီအဖွဲ့ချုပ် အထွေထွေအတွင်းရေးမှူး ဒေါ်အောင် ဆန်းစုကြည်စည်းရုံးရေး ခရီးစဉ်အတွက် ဒေသဆိုင်ရာ အာဏာပိုင်တွေအနေနဲ့ NLD  မြို့နယ် တာဝန်ရှိ သူတွေနဲ့သွားလာမယ့် ခရီးလမ်းပန်းလုံခြုံရေးဆိုင်ရာ ကိစ္စ၊ သွားလာမယ့်လမ်းကြောင်း၊သွားလာမယ့် ယာဉ်၊ စုဝေးဟောပြောမယ့်နေရာကအစအသေးစိတ် ကြိုတင်ညှိနှိုင်းသဘောတူညီမှုရှိခဲ့ပြီးသားပါ။

          အဲလိုကြိုတင်ညှိနှိုင်းသဘောတူညီမှုများကြောင့် လည်း ဒေါ်အောင်ဆန်းစုကြည်နဲ့အဖွဲ့ ဓနုဖြူမြို့သို့ စတင်ဝင်ရောက်လာသည်မှ ၎င်းတို့မြို့နယ် NLD  ရုံးတွင် စုဝေးဟောပြောပွဲလုပ်ခဲ့ရာမှာ၊ဓနုဖြူမြို့မြောက်ဘက် ဧရာဝတီမြစ်ကမ်းရိုးတစ်လျှောက်ရှိ ကမ်းငူကြီး ဇကာ ကြီးစတဲ့ မြို့ရွာတွေကိုသွားတဲ့ စည်းရုံးရေးခရီးစဉ်မှာ... ဘာပြဿနာတစ်စုံတစ်ရာမှ မရှိခဲ့ပါဘူး။ ရေလမ်းခရီးအတွက် မြို့နယ်အုပ်ချုပ်ရေးမှူးရုံး၊ မြို့နယ်ရဲစခန်း၊ မြို့နယ် NLD  ရုံးတို့နဲ့နီးတဲ့  ရန်ငြိမ်းအောင် (ကြား သင်္ဘောဆိပ်) ဆိပ်ကမ်းကထွက်ခွာပြီး ပြန်လာရင်လည်း .....ရန်ငြိမ်းအောင်ဆိပ်ကမ်းမှာပဲ ဆိုက်ကပ်ဝင် ရောက်ရန် ကြိုတင်ညှိနှိုင်းသဘောတူထားကြပါတယ်။ 

အဲဒီကြိုတင် ညှိနှိုင်းသဘောတူညီချက်တွေကို မြို့နယ် NLD   က ဒေါ်အောင်ဆန်းစုကြည်နဲ့ ရန်ကုန်မှ အတူပါလာတဲ့သူ အားလုံးကို တင်ပြပြီးဖြစ်တဲ့အတွက် အားလုံးက သိကြပါတယ်။ ဇကာကြီးက အပြန်မှာ မူလသဘောတူညီ ထားတဲ့ ရန်ငြိမ်းအောင်ဆိပ်ကမ်းကပြန်မတက်ဘဲ လမ်းကြောင်းမဟုတ်တဲ့၊ လူစုလူဝေးဖြစ်နိုင်တဲ့ ဓနုဖြူ မြို့မစျေးဓမ္မာရုံထိပ်က ပိတောက်ပင်ဆိပ်ကမ်းကိုရွေးပြီးတက်ခဲ့လို့ ဒီလိုထိပ်တိုက်တိုးမှု ပြဿနာကြုံရတာ ပါ။ 

ကြိုတင်သဘောတူညီချက်အတိုင်းသာ ရန်ငြိမ်းအောင်ဆိပ်ကမ်းကတက်မယ်ဆိုရင် သူတို့ NLD  မြို့နယ်ရုံးနဲ့ လည်း အနီးဆုံးဖြစ်ရုံမက ကျွန်တော် လုံခြုံရေးတာဝန်ကျရာနေရာနဲ့လည်း တောင်မြောက်ဆန့်ကျင်ဘက်ဖြစ် လို့ ဘယ်လို့မှ ထိပ်တိုက်ပြောစရာ မရှိပါဘူး။ အခုလိုဖြစ်ရတာက ကြိုတင်ညှိနှိုင်းသဘော တူချက်မှာမပါတဲ့၊ လူစည်းကားပြီး လူစုလူဝေးဖြစ်အောင် ဖန်တီးနိုင်တဲ့ ဓနုဖြူမြို့မစျေးအတွင်းမှ ဖြတ်သန်းဝင် ရောက်လာတဲ့အတွက် သတ်မှတ်လမ်းကြောင်း အတိုင်း သွားဖို့နဲ့ လူစုလူဝေးကို အမြန်ဆုံးခွဲဖို့ အသိပေး တားမြစ်ရန် တာဝန်ရှိသည့်အတိုင်းဆောင်ရွက်ရာက တစ်ဆင့် ဒီပြဿနာဖြစ်ခဲ့တာပါ။

          အမိန့်နဲ့တာဝန်ဝတ္တရားကို အသက်ထက်တန်ဖိုးထားတဲ့ စစ်သားတစ်ယောက်အနေနဲ့ လုပ်သင့် လုပ်ထိုက်တဲ့အလုပ်ကို လုပ်ခဲ့တာလို့ပဲ ကျွန်တော်ခံယူ ထားပါတယ်။

          လူစုလူဝေးဖြစ်လာတဲ့အချိန်မှာ ကျွန်တော်ဟာ တပ်မတော်က သင်ကြားပေးတဲ့နည်းစနစ်အတိုင်း စနစ်တကျ လူစုခွဲဖို့ အသံချဲ့စက်နဲ့ကြေညာပြီး ဆောင်ရွက်ခဲ့တာပါ။ တကယ်ဆို သတ်မှတ်စည်းမျဉ်းစည်းကမ်း  မလိုက်နာဘဲ ဥပဒေချိုးဖောက်ပြီး လူစုလူဝေးဖြစ်အောင် ဖန်တီးရင် ပစ်ခတ်ဖြိုခွင်းဖို့အထိပစ်မိန့်ရထားပြီးသားပါ။ 

အဲဒီလိုအချိန်မှာ ဒေါက်တာတို့ပြောတဲ့ ဒုတိယ ဂဠုန် ဦးစောလို မဖြစ်စေလိုတဲ့ ဗိုလ်မှူးတင်ဖေအေးရယ်၊ ဗိုလ်မှူးမောင်ထွန်းဆိုသူရယ် နှစ်ဦးတို့က ကျွန်တော့်ကို တားမြစ်ခဲ့တာမှန်ပါတယ်။ ဒေါက်တာစစ်တင်တို့ ကိုအောင်မြင်သူတို့ပြောသလိုမျိုး ဂဠုန်ဦးစောလို ဖြစ်သွားမယ်ဆိုတဲ့စကားမျိုးဗိုလ်မှူးတင်ဖေအေးမပြောခဲ့ ဘူး။ 

သူပြောခဲ့တဲ့စကားကဒါ စစ်တိုက်နေတာ မဟုတ်ဘူး။ နိုင်ငံရေးလို့ပြောခဲ့တာမှန်တယ်။ နောက်တစ်ခါ ဒေါက်တာတို့လူငယ်အဖွဲ့တွေ မဆုံးဖြတ်နိုင်ခင် ဒေါ်အောင်ဆန်းစုကြည်ရှေ့ဆုံးကို တက်လာတယ်ဆို တာ မမှန်ပါဘူး။ လူငယ်တွေက လူအုပ်ကြီးအလယ်မှာ ဒေါ်အောင်ဆန်းစုကြည်ကို ဝန်းရံထားကြတာပါ။ အဲဒီအဖွဲ့ထဲမှာ ဒေါက်တာလည်း ပါချင်ပါမှာပါ။

          ချုပ်ရရင်ဓနုဖြူဖြစ်စဉ်တွင် ဗိုလ်မှူးတင်ဖေအေး သည် ကျွန်တော့်အား ဂဠုန်ဦးစောလိုဖြစ်သွားမယ်ဟု ပြောခဲ့ခြင်းမရှိပါဘူး။ ပစ်ခတ်မယ်ဆိုတဲ့ အခြေအနေမှာ ဒေါ်အောင်ဆန်းစုကြည်ဟာ လူစုလူဝေးရှေ့ဆုံးကို ရောက် နေတယ်ဆိုတာ မဟုတ်မမှန်ပါဘူး။

          သေသွားတဲ့သူတစ်ယောက်ကပြောခဲ့တယ် ဆိုတဲ့ ကျွန်တော်ဂဠုန်ဦးစောလို ဖြစ်သွားမယ်ဆိုတဲ့စကား ကတော့ တစ်ဆင့်ကြား Hearsay  သက်သက်သာဖြစ် ပါတယ်။ Hearsay   ဆိုတာ Evidence  လား၊ No Evidence   လားဆိုတာကို..... ဒေါက်တာစစ်တင်လို ပညာ တတ်တစ်ယောက်အနေနဲ့ စဉ်းစားနိုင်မယ် ထင်ပါတယ်။အကယ်၍ .. ကျွန်တော့်ရေးသားမှုတွေနဲ့ ပတ်သက်ပြီး ဒေါက်တာစစ်တင်အနေနဲ့ ပြန်ပြီးတုံ့ပြန် ရှင်းလင်းချင် တယ်ဆိုရင် ကျွန်တော်ကလည်း လှိုက်လှိုက်လှဲလှဲ ဝမ်းသာစွာ ကြိုဆိုနေပါတယ်။

အကယ်၍ ဒေါက်တာ စစ်တင်က ဒီဖြစ်စဉ်နဲ့ ပတ်သက်ပြီး ရှင်းလင်းပြောဆိုမယ် ရင်တော့ စာမျက်နှာပေါ်က ရှင်းတာထက်လူအများ သိသာမြင်သာအောင် သတင်းမီဒီယာတွေရှေ့မှာ Debate  ပုံစံမျိုးလုပ်ပြီး ရှင်းလင်းရင် ပိုပြီးကောင်းလိမ့်မယ်လို့ထင်မြင်ယူဆမိကြောင်းပါ။

 

စစ်ဗိုလ် Captain လေး

 

မေး။ ။ ဒေါက်တာစစ်တင်ရဲ့ ဒုတိယဂဠုန်ဦးစောနဲ့ ဒေါ်အောင်ဆန်းစုကြည်ဆောင်းပါးမှာ အချက် အလက် အချို့မှားနေတယ်လို့ ပြောတယ်နော် ။ဘယ်အချက်တွေ မှားနေတာပါလဲခင်ဗျား။

 

ဖြေ။ ။ ၁ ။  ။ ၄၊၄၊ ၁၉၈၉ ရက်နေ့ ဓနုဖြူမြို့မှာ အဲဒီ ဖြစ်စဉ်ဖြစ်တုန်းက ကျွန်တော့်ကို အမိန့်ပေးတဲ့ ဗိုလ်မှူး တင်ဖေအေးက ကျွန်တော့်ကိုဒုတိယ ဂဠုန်ဦးစောဖြစ် သွားမယ်ဆိုတာမျိုးလုံးဝမပြောခဲ့ပါဘူး။ ၂ ။ ။အဲဒီဖြစ်စဉ် မှာပါဝင်တဲ့ တပ်မတော်သားတွေက ဆယ်ယောက် မဟုတ်ဘူး၊ ကျွန်တော်အပါအဝင်မှ ခြောက်ယောက် တည်း၊၊ ၃။ ။ ဒူးထောက်ပြီးပစ္စတိုနဲ့ချိန်ထားတာ မဟုတ်ဘူး။ ရဲဘော်တွေကပဲ သေနတ်နဲ့ချိန်တာ (သေနတ်တွေကို ကျည်ထိုးမထားသေးဘူး) ၄။  ။ဖြစ်စဉ် ဖြစ်တုန်းမှာဒေါ်စုက ရှေ့ကတက်လာတယ်ဆိုတာ မဟုတ်ဘူး။ ဒေါ်စုကလူငယ်တွေ ဝိုင်းထားလို့ အလယ်မှာရောက်နေတာ။ ၅။  ။ ကျွန်တော့်ကို အမိန့်ပေးတဲ့ဗိုလ်မှူး တင်ဖေအေးတပ်ကထွက်ရတယ်ဆို တာမမှန်ဘူး။ သူဟာသူ အရပ်ဘက်ရောက်သွားပြီး ပင်စင်ယူသွား တာ။ ဒီဖြစ်စဉ်ကြောင့် ကျွန်တော်ရာထူးတိုးတယ်ဆို တာလည်း မမှန်ဘူး။

 

မေး။ ။ မှန်တဲ့အချက်ကရောဗျ။

 

ဖြေ။ ။ ပခုံးပေါ်က ဘားတွေချွတ်ပြီး မြေပေါ်လွှင့်ပစ်တယ်ဆိုတာတော့ မှန်တယ်။

 

မေး။ ။ ဘာကြောင့်ဒီလိုလွှင့်ပစ်တာလဲဗျ၊ဒေါ်စုကို မပစ် ရလို့လား။

 

ဖြေ။ ။ လုံးဝမှားတယ်။ လူအတော်များများကလည်း ခင်ဗျားမေးသလိုပဲထင်နေကြတယ်။ ဒေါ်စုကို မပစ်ရ လို့မဟုတ်ဘူး။ 

အဲဒီအချိန်တုန်းက ကျွန်တော့်ကို အမိန့် ပေးတဲ့သူတွေက သူတို့ပေးတဲ့အမိန့်ကို သူတို့ကိုယ်တိုင် ပဲ ပြန်ဖျက်လို့ ကျွန်တော်ကစိတ်တိုပြီး ဘားတွေဖြုတ် လွှင့်ပစ်တာပါ။

 

မေး။ ။ သူတို့ပေးတဲ့အမိန့်ကို သူတို့ကိုယ်တိုင်ပဲ ပြန်ဖျက်တယ်ဆိုတာက။

 

ဖြေ။ ။ ဒီလိုပါ၊ အဲဒီတုန်းက သူတို့ကကျွန်တော့်ကို အမိန့်ပေးထားတယ်။ ပါးစပ်နဲ့မဟုတ်ဘူး။ စာရွက်နဲ့ကို ထုတ် ပေးထားတာပါ။ စာရွက်ထဲမှာ ဘယ်လိုအနေအထား မျိုးမှာဆိုပစ်ပါလို့ အမိန့်ပေးထားတယ်။ 

ပစ်ရမယ့် အနေ အထားလည်းရောက်ရော၊ မပစ်နဲ့လို့ပြောပြန်တယ်။ ဒါကို မကျေနပ်လို့ ဘားတွေဖြုတ်ပြီးလွှင့်ပစ်တာ။ ဒေါ်အောင်ဆန်းစုကြည်ကို မပစ်ရလို့ မဟုတ်ဘူး။

 

မေး။ ။ အဲဒီကာလမှာ ဒေါ်အောင်ဆန်းစုကြည် အပေါ် ဘယ်လိုသဘောထားလဲ ၊ မုန်းတီးတာမျိုးရှိလား။

 

ဖြေ။ ။ မရှိဘူး၊ ဒေါ်စုအပေါ်ချစ်ခြင်း၊ မုန်းခြင်းမရှိဘူး။ သူ ဗိုလ်ချုပ်သမီးဖြစ်တယ်။ နိုင်ငံခြားမှာနေတယ်။ ဒါပဲ သိတယ်။ ဒါပေမယ့် အဲဒီအချိန်က တာဝန်ကျေတဲ့၊ အမိန့်နာခံတဲ့ စစ်သားတစ်ယောက်တော့ဖြစ်ချင်ခဲ့ တယ်။

 

မေး။ ။ အဲဒီအချိန်ကတားမယ့် လူမရှိခဲ့ရင်ဒေါ်အောင် ဆန်းစုကြည်နဲ့ လူအုပ်ကြီးကို တကယ်ပစ်မှာလား။

 

ဖြေ။ ။ ပစ်မယ်၊ ပစ်ဖို့လည်းအမိန့်ပေးထားတယ်။ ဒါပေမယ့် စည်းမဲ့ကမ်းမဲ့ပစ်မှာတော့ မဟုတ်ဘူး၊ စစ်တပ်ကသင်ထားပေးတဲ့အတိုင်းပဲပစ်မယ်။

 

မေး။ ။ စစ်တပ်က သင်ထားပေးတယ်ဆိုတဲ့ ပုံစံက။

 

ဖြေ ။ ။ အဓိကရုဏ်းနှိမ်နင်းရေးပေါ့၊ ပထမစည်းသုံးခုကို တားမယ်။ စည်းသုံးခုကို မကျော်ဖို့ပြောမယ်။ မိုက်နဲ့ အော်မယ်။ စည်းသုံးစည်းကျော်လာရင်တော့ပစ်မယ်။

 ပစ်မယ်ဆိုတဲ့ နေရာမှာ ပထမဆုံး လူအုပ်ကိုကျော်ပြီး မိုးပေါ်ထောင်ပစ်မယ်။ အဲဒါမှ မရရင် ရှေ့က အလံကိုင်သူ၊ ဒါမှမဟုတ် လှုံ့ဆော်သူကို ခါးအောက်ပိုင်း မသေနိုင် တဲ့နေရာကို ရွေးပစ်မယ်။

 

မေး။ ။ ဒေါ်အောင်ဆန်းစုကြည်တို့ လူအုပ်နဲ့ တွေ့တဲ့ အချိန်မှာ ပစ်ဖို့ အဆင်သင့်ဖြစ်နေပြီလား။

 

ဖြေ။ ။ မဖြစ်သေးဘူး၊ သေနတ်တွေ အားလုံးမှာ ကျည် တောင် မထိုးထားသေးပါဘူး။ အကယ်၍လိုအပ်လို့ ပစ်ခဲ့ရရင်တောင် Auto  မပစ်ဖို့၊ တစ်ချက်ချင်းပဲပစ်ဖို့ ကျွန်တော့်ရဲဘော်တွေကိုမှာ ထားတယ်။

 

မေး။ ။ အခုလိုလာရှင်းတဲ့ ရည်ရွယ်ချက်က။

 

ဖြေ။ ။ ကျွန်တော့်ကို ဂဠုန်ဦးစောနဲ့ နှိုင်းတာမကြိုက်ဘူး။ နောက်ကျွန်တော့်မျိုးဆက်ကိုလည်းအရောင်မစွန်း ထင်းစေချင်ဘူး။ ဒါကြောင့်လာရှင်းတာပါ။

 

မေး။ ။ ဓနုဖြူဖြစ်စဉ်မှာတုန်းက ဒေါ်အောင်ဆန်းစုကြည် အပေါ် ချစ်ခြင်း ၊ မုန်းခြင်းမရှိဘူးလို့ပြောခဲ့တယ်။ အခု ကျတော့ရော။

 

ဖြေ။ ။ ဒေါ်အောင်ဆန်းစုကြည်မှာ လေးစားအားကျ အတုယူစရာတွေအများကြီးရှိတယ်။ တချို့ ယောက်ျား ကြီးတွေထက်သာတဲ့သတ္တိသူ့မှာရှိတယ်။ တခြား အားကျစရာ၊ လေးစားစရာတွေလည်းရှိတယ်။ ဒါပေမယ့် သမ္မတဖြစ်ချင်တယ်လို့ပြောတာမျိုးတော့မကြိုက်ဘူး။

 

မေး။ ။ ခင်ဗျားဒုတိယ ဂဠုန်ဦးစောတော့မဟုတ်ဘူး၊ ဒါပေမယ့် ဒုတိယဂဠုန်ဦးစောတွေရော ထပ်ပေါ်လာနိုင်သေးလား။

 

ဖြေ။ ။ ဒေါ်အောင်ဆန်းစုကြည်ကို ချစ်ခင်ကြည်ညိုတဲ့ သူများတယ်။ သူ့ရဲ့အောင်မြင်မှုကို မနာလိုတဲ့သူတွေ လည်းရှိတယ်။ ဆိုတော့ ဒုတိယဂဠုန်ဦးစောဆိုတာလည်း ပေါ်ကောင်းပေါ်လာနိုင်တယ်။

 

စာရေးသူ ကိုယ်ရေးအကျဉ်း

ကလောင်အမည်    -    စစ်ဗိုလ် Captain လေး

အမည်အရင်း        -    ဗိုလ်ကြီးမြင့်ဦး

                                (ဒု/ညွှန်ကြားရေးမှူး (ငြိမ်း)                                        လယ်/ဆည်ဝန်ကြီးဌာန)

မွေးသက္ကရာဇ်         -   ၁၅.၆.၆၁

မွေးရပ်                  -  တိုက်ကြီးမြို့၊

                                ရန်ကုန်တိုင်းဒေသကြီး

ပညာအရည်အချင်း -    BA  (Myanmar)

တပ်မတော်တွင်တာဝန်

ထမ်းဆောင်ခဲ့သည့်ကာလ   -   ၁၉၈ဝ မှ ၁၉၉၂

လိပ်စာ   -         မြောက်ဥက္ကလာ၊ ရွှေပေါက်ကံမြို့သစ် 



Sunday, July 4, 2021

သစ္စာဖောက်လောက်ကောင် သူရိယနေဝန်း မိုးဟိန်း(ခ)နိုင်ဝင်း ရဲ့ အရှုပ်ထုတ်များပေါက်ကြား


 

သူရိယနေဝန်းမိုးဟိန်း(ခ)နိုင်ဝင်း ဆိုတဲ့ကောင်နဲ့ သူ့မိသားစုဝင်တွေကို Social Punishment လုပ်ဖို့မမေ့ကြနဲ့အုံး။မိုးဟိန်းဆိုတာ ၈၈အရေးခင်းမှာ ကျောင်းသားခေါင်းဆောင်ကိုမင်းကိုနိုင်၊လူ့ဘောင်သစ်ပါတီဥက္ကဌဖြစ်တဲ့မိုးသီးဇွန်တို့နဲ့အတူ လူ့ဘောင်သစ်ပါတီမှာအတွင်းရေးမှူးအဖြစ်သူကိုယ်တိုင် နိုင်ငံရေးလုပ်၊ထွက်ပြေးရင်း နဝတကောင်စီကဖမ်းမိခဲ့တာပါ။နဝတကောင်စီက အင်းစိန်ထောင်ထဲကိုပို့လိုက်တဲ့အခါ ထောင်ထဲမှာနိုင်ငံရေးအကျဉ်းသားတွေများတော့ ထောင်ရွေ့ရင်းနဲ့ ထောင်၅ထောင်လောက်ရောက်ခဲ့ရတယ်။အဲလိုထောင်ပြောင်းခဲ့တာကို အခွင့်ရေးယူပြီး ၈၈မှာနိုင်ငံရေးလုပ်လို့ ထောင်၅ထောင်လောက်ကျခဲ့ဖူးတယ်ဆိုပြီး ဂုဏ်ဖော်ပြောနေတာ။တကယ်တမ်းကျတော့ ထောင်တွင်းစစ်ကြောရေးမှာ နဝတကောင်စီနဲ့ နိုင်ငံရေးမလုပ်ဖို့အပေးအယူမျှခဲ့ကြတယ် အဲဒီနောက်ပိုင်း နဝတ ကောင်စီကတာဝန်ပေးခဲ့တဲ့ တာဝန်အရ ၁၉၉၀ ခုနှစ်အနိုင်ရပါတီဖြစ်တဲ့ NLDပါတီရဲ့
ဆန့်ကျင်ဝေဖန်ရေး ဆောင်းပါးတွေကို နဝတကောင်စီလက်ထက်ကနိုင်ငံပိုင်သတင်းစာတွေမှာ နေ့စဉ်နဲ့အမျှရေးသားပေးခဲ့တယ်။နဝတကောင်စီကလည်း မိုးဟိန်းရဲ့ရပ်တည်မှုတွေကို ဂုဏ်ပြုတဲ့အနေနဲ့ ပြည်တွင်းမှာလောင်စာဆီရောင်းဝယ်ရေးလုပ်ငန်းကို အခွင့်ရေးပေးလုပ်ကိုင်ခွင့်ပြုခဲ့တယ်။မိုးဟိန်းဟာ ပြည်တွင်းလောင်စာဆီလုပ်
ငန်းအဆင်ပြေလာတဲ့အမျှ သူရဲ့ဝါသနာနဲ့ဗီဇကို ဖြည့်ဆည်းပေးဖို့အတွက် ရန်ကုန်မြို့မှာ ဂန္တဝင်ပုဂံဆိုတဲ့နာမည်နဲ့ စင်တင်တေးဂီတာဖျော်ဖြေရေးဘီယာ၊အရက်ဆိုင်ကို စီးပွားရေးတစ်ခုအနေနဲတိုးချဲ့ဖွင့်ခဲ့တယ်။အဲဒီနောက်ပိုင်း နိုင်ငံရေးအသိုင်းဝိုင်းမှာ မိုးဟိန်းရဲ့ရပ်တည်မှု့က အော့နှလုံးနာစရာ၊နိုင်ငံရေးလောကမှာသစ္စာဖောက်တစ်ယောက်အဖြစ်ရပ်တည်ခဲ့တယ်ဆိုတာ သူကိုယ်တိုင်သိပုံရခဲ့ပြီး နဝတကောင်စီကိုကျောခိုင်းကာ ထိုင်းနိုင်ငံနယ်စပ်တစ်ခုကို ထွက်ပြေးတိမ်းရှောင်သွားခဲ့တယ်။ထွက်ပြေးတိမ်းရှောင်ခဲ့တဲ့အချိန်မှာ ဂန္တဝင်ပုဂံစင်တင်တေးဂီတ၊ဘီယာ၊အရက်ဆိုင်မှာ ဆုံတွေ့ခဲ့တဲ့ အသက်အရွယ် ၁၇နှစ်သာရှိတဲ့ အမျိုးသမီးငယ်တစ်ယောက်ကိုပါ သွေးဆောင်ဖြားယောင်းပြီးအတူတကွ ထိုင်းနိုင်ငံသို့ထွက်ပြေးလာခဲ့တယ်။အဲဒီအမျိုးသမီးဟာ ယခု သူရဲ့ဇနီးအဖြစ်အတူနေထိုင်တဲ့သူဖြစ်တယ်။

ထိုင်းနိုင်ငံမှတဆင့် အနောက်နိုင်ငံအသီးသီးသို့ ဒုက္ခသည်အဖြစ်ကမ်းလှမ်းခဲ့တယ်။ထိုမှတဆင့်မြန်မာပြည်တွင် နိုင်ငံရေးအတူတကွလုပ်ကိုင်ခဲ့ဖူးသူများနှင့်ချိတ်ဆက်မိကာ အမေရိကန်နိုင်တွင်ဒုက္ခသည်အဖြစ်ခိုလှုံခွင့်ရခဲ့သည်။ထိုနောက်ပိုင်း အမေရိကန်နိုင်ငံအတွင်းရှိ မြို့ငယ်လေးတစ်ခုတွင် တက္ကစီယာဉ်မောင်းအပြင်အမေရိကန်နိုင်ငံတွင်းထုတ်ပြည်တွင်း မီဒီယာတစ်ခုတွင်အောက်ခြေဝန်ထမ်းအဖြစ် အသက်မွေးဝမ်းကြောင်းပြုပြီး ရပ်တည်ခဲ့သည်။၂၀၁၀ မှ ၂၀၁၅ခုနှစ် စစ်အစိုးအရမှ အရပ်သားအစိုးရအသွင်ပြောင်း ဗိုလ်ချုပ်သိန်းစိန်သမ္မတတာဝန်ယူသည့်ကာလအတွင်း ၂၀၁၃ ခုနှစ်အတွင်းပြည်ဝင်ခွင့်ပြန်ရခဲ့သည်။ပြည်ဝင်ခွင့်ပြန်လည်ရရှိပြီးနောက် ယခင်ဗိုလ်ချုပ်သိန်းစိန်အစိုးလက်ထက်က စီးပွားကူးသန်းဝန်ကြီးအဖြစ်တာဝန်ယူခဲ့သည့် ဗိုလ်ချုပ်ဝင်းမြင့်(မကွေး)ရဲ့သား ဗိုလ်ကြီးသူရိန်ဝင်းမြင့်၊၎င်းရဲ့ပါတနာဖြစ်သော ဗိုလ်ချုပ်များနှင့်အလွန်ရင်းနှီးသောဦးယုနိုင်(အထွေထွေစီးပွားရေး)စသည့်ပုဂ္ဂိုလ်များနှင့် အကျိုးတူပူးပေါင်းကာ မြန်မာငွေကျပ် သိန်း(၂၀၀)ကိုယ်စီဖြင့် စုစုပေါင်း သိန်း(၆၀၀)ဖြင့် နေ့စဉ်သတင်းစာထုတ်ရန်ပူးပေါင်းပြင်ဆင်လာခဲ့ကြသည်။ထိုအချိန်တွင် နေ့စဉ်သတင်းစာထုတ်ဝေခွင့် လျှောက်ထားရသည့်ကာလသာဖြစ်သည်။ထုတ်ဝေခွင့်မပြုသေးသည့်ကာလသာဖြစ်သည်။တရားဝင် ထုတ်ဝေခွင့်ရသည့်ကာလမှာ ၂၀၁၄ ၊ဧပြီ ၁ရက်နေ့သာဖြစ်သည်။ထုတ်ဝေခွင့်မရသည့်ကာလ၊ပြင်ဆင်ချိန်အတွင်းမှာ ဝန်ထမ်းများကိုလစာပေးရတာ၂ လကျော်လာသည့်နှင့်အမျှ အကျိုးတူပူးပေါင်းသည့်ရှယ်ယာရှင် များမှာ ငွေကြေးနှင့်ပတ်သတ်ပြီးအချေအတင်များဖြစ်ပေါ်လာခဲ့သည်။ထိုနောက်ပိုင်း သူနှင့်အဆင်မပြေသည့်ဝန်ထမ်းအချို့ကို အကြောင်းပြချက်မျိုးစုံဖြင့် အလုပ်မှလစာ (၃)လစာပေးပြီးထုတ်ပယ်ခဲ့သည်။ကျန်သည့်ဝန်ထမ်းများနှင့် သူရိယအလင်းနာမည်ဖြင့် အပတ်စဉ်သတင်းဂျာနယ်ထုတ်ဝေခဲ့သည်။သူရိယအလင်းဂျာနယ်ထုတ်ဝေခဲ့စဉ် ၁ လအတွင်းဗိုလ်ချုပ်သိန်းစိန် အစိုးရလက်ထက် စက်မှုဝန်ကြီး ဗိုလ်ချုပ်အောင်သောင်း(သေဆုံး)နှင့်ချိတ်ဆက်ရင်းနှီးခဲ့ကြသည်။ထိုအချိန်တွင် ဗိုလ်ချုပ်အောင်သောင်းမှာ နဝတကောင်စီဥက္ကဌ ဗိုလ်ချုပ်မှူးကြီးသန်းရွှေနှင့် အဆင်မပြေမှု့များစွာရှိခဲ့သည်။ထိုအဆင်မပြေမှု့များစွာကို အောက်လုံးထိုးရန်အတွက် သူရိယနေဝန်း မိုးဟိန်း(ခ)နိုင်ဝင်း ကိုလက်သတ်မွေးခဲ့ပုံရသည်။မိုးဟိန်းကလည်း ကိုယ်ကျိုးအတွက်ငွေရရင်ဘာမဆိုလုပ်မည်ဟု မပြောသည့်တိုင်အောင် သူ့လုပ်ရပ်များက သူရိယအလင်းဂျာနယ် အပတ်စဉ်(၁)အမှတ်စဉ်၅နောက်ပိုင်းသူရိယအလင်းဂျာနယ်စာ မျက်နှာများပေါ်တွင် ဗိုလ်ချုပ်မှုးကြီးအပါအဝင်သူနှင့်ပတ်သတ်သည့်စစ်ဗိုလ်ချုပ်များနှင့်တကွ၊ခရိုနီများကိုတိုက်ခိုက်သောဆောင်းပါးတချို့ကို ရေးလာခဲ့သည်။ထိုကဲ့သို့ရေးသားမှု့များကြောင့် ဦးသိန်းစိန်အစိုးရအပါအဝင် ကျန်သည့်ဗိုလ်ချုပ်များရဲ့စောင့်ကြည့်မှု့ကိုခံခဲ့ရသေးသည်။ဗိုလ်ချုပ်ဝင်းမြင့်သား ဗိုလ်မှူးသူရိန်ဝင်းမြင့်မှာလည်၎င်းကိုယ်တိုင် ရှယ်ယာထည့်ဝင်ထားသည့်ဂျာနယ်ဟာယခုလိုရေးသားမှု့များပြုလုပ်သောကြောင့် ဦးသန်းရွှေအပါအဝင်ဗိုလ်ချုပ်အသိုင်းကတွေ့ဆုံကာ နောက်နောင်ထပ်မံရေးသားခြင်းမပြုဖို့ သတိပေးတားမြစ်ခြင်းခံခဲ့ရသည်။ရှယ်ယာရှင်တွေဖြစ်တဲ့ ဗိုလ်မှူးဝင်းမြင့်အပါအဝင် ဦးယုနိုင်ကလည်း မိုးဟိန်းအားထပ်မံရေးသားခြင်းမပြုရန်ပြောဆိုခဲ့သည်။မိုးဟိန်းကလည်း တဖက်တွင်စက်မှု့ဝန်ကြီးအောင်သောင်းရဲ့ ပံ့ပိုးကူညီမှု့နှင့်အတူ ၎င်းရဲ့ပင်ကိုယ်ဗီဇအရသစ္စာဖောက်လောက်ကောင်ပီပီ ဆက်လက်ရပ်တည်ခဲ့တယ်။သူရိယအလင်းစာစောင်ရဲ့ မျက်နှာဖုံးပေါ်မှာ မော်စကိုမှာသာတဲ့လဆိုတဲ့ဆောင်းပါးအပါအဝင် ကဒါဖီ၊ဆက်ဒန်ဟူစိန်စသည့် ကမ္ဘာ့လူဆိုးများအသေဆိုးနဲ့သေကြရတဲ့ပုံတွေကို ဦးသန်းရွှေနဲ့နှိုင်းယှဉ်ခဲ့တဲ့ဆောင်းပါးထပ်မံရေးသားခဲ့ရာထိုဆောင်းပါးကြောင့် ဗိုလ်ချုပ်မှူးကြီးသန်းရွှေမြေးနှင့်အတူ သူရိယအလင်းဂျာနယ်ရှယ်ယာရှင်ဖြစ်တဲ့ ဗိုလ်ချုပ်ဝင်းမြင့်သား ဗိုလ်ကြီးသူရိန်ဝင်းမြင်တို့က ယမ်းပုံးမီးပွားကျပြီး ကမ္ဘာအေးဘုရားလမ်းပေါ်ရှိ သူရိယအလင်းဂျာနယ်တိုက်အား ရှယ်ယာဝင်အဖြစ် သူရဲ့ရင်းနှီးမြုပ်နှံမှုနဲ့အညီ ဂျာနယ်တိုက်အတွင်းရှိ ဂျာနယ်ထုတ်ဝေရန်အထောက်အကူပြုပစ္စည်းများအား ညအချိန်မတော် ဗိုလ်ချုပ်မှုးကြီးသန်းရွှေမြေး နေရွှေသွေးအောင်အပါအဝင်ဗိုလ်ကြီးသူရိန်ဝင်းမြင့်တို့က ဝင်ရောက်သိမ်းဆည်းသွားခဲ့ကြသည်။ထိုကိစ္စအားနောက်နေ့မနက်ခင်းတွင် သူရိယနေဝန်း(ခ)မိုးဟိန်းမှာသတင်းထောက်များခေါ်ကာသတင်းစာရှင်းလင်းပွဲလုပ်ကာ ပုံကြီးချဲ့ခဲ့သေးသည်။ သူပိုင်ဆိုင်တဲ့ဂျာနယ်တိုက်ကို အနုကြမ်း ဝင်စီးပြီး ဂျာနယ်တိုက်ပစ္စည်းများကို အတင်းသိမ်းဆည်းကာ တိုက်တွင်းရှိပစ္စည်းများအားဖျက်စီးသွားခဲ့သည်ဟုပြောကာ ၎င်းတို့နှင့်ရှယ်ယာလုပ်ကိုင်နေသည်ကိုဖုံးကွယ်ခဲ့ပြီး သူရိယအလင်းအစား သူရိယနေဝန်းနာမည်နှင့် နောင်လာမည့်အပတ်စဉ်များတွင်စဉ်ဆက်မပြတ်ထုတ်ဝေသွားမည်ဟုလည်းသတင်းစာရှင်းလင်းပွဲတွင် သတင်းထောက်များအားကြွေးကြော်ခဲ့သည်။သူရိယနေဝန်းဆိုတဲ့ ထုတ်ဝေခွင့်ကဒ်သည် ဗိုလ်ချုပ်အောင်သောင်းအကူအညီဖြင့်ရက်ပိုင်းအတွင်းထုတ်ဝေခွင့်ကဒ်ရခဲ့သည်ဟုလည်းသတင်းများပျံ့နေခဲ့သည်။မိုးဟိန်းရဲ့ရပ်တည်ချက်များမှုမှန်မှု့မရှိသောကြောင့် သူရိယအလင်းဝန်ထမ်းများမှာ မိုးဟိန်းနှင့်လမ်းခွဲခဲ့ကြသည်။မိုးဟိန်းနှင့်အတူဆက်လက်အလုပ်လုပ်ကိုင်သူများမှာ ၎င်းရဲ့ဆွေမျိုးသာဖြစ်ကြသည်။ထို့နောက် သူရိယနေဝန်းစာမျက်နှာတွေပေါ်တွေ မှာYellow Journalism အရေးအသားများနှင့်အတူဦးသန်းရွှေနှင့်ခရိုနီတေဇအကြောင်းစဉ်ဆက်မပြတ်ရေးသားခဲ့ရာ စာဖတ်ပရိတ်သတ်ခံတွင်းတွေ့ခဲ့ဟန်ရှိခဲ့သည်။သူရိယနေဝန်းစာစောင်မှာ ဂျာနယ်ရောင်းချသူများကြားတွင် အရောင်းရဆုံးဂျာနယ်အဖြစ် အချိန်ကာလတစ်ခုအဖြစ်ရပ်တည်ခဲ့သည်။ခရိုနီဦးတေဇ နှင့်လည်းငယ်သူငယ်ချင်းများဖြစ်ကာ ခရိုနီဦးတေဇမှာမိုးဟိန်းအားတွေ့ဆုံကာ ၎င်းအကြောင်းဆက်လတ်မရေးသားဖို့အတွက် ငွေကျပ်သိန်း ၃၀၀၀ ပေးကာ သူငယ်ချင်းတွေကြားနားလည်မှု့ယူခဲ့ကြသည်။ထိုနောက်ပိုင်း ခရိုနီတေဇအကြောင်းကို သူရိယနေဝန်းစာမျက်ပေါ်များတွင် မတွေ့ရတော့ဘဲ ဦးသန်းရွှေအကြောင်းသာဆက်လက်ရေးသားခဲ့သည်။ထိုအချိန်ကာလကလည်း ဦးသန်းရွှေအာဏာမှာကြီးထွားနေဆဲဖြစ်တာမို့ ဦးသိန်းစိန်အစိုးရအား မိုးဟိန်းကိုဗီဇာပိတ်ပြီး မြန်မာပြည်တွင်နေထိုင်ခွင့်မပေးရန်ဖိအားပေးခဲ့ပုံရသည်။ဦးသိန်းစိန်အစိုးရက ပြည်တွင်းဝင်ခွင့်ဗီဇာကို ပိတ်ခဲ့လို့ မိုးဟိန်းတစ်ယောက် ထိုင်းနိုင်ငံနယ်စပ်ကနေ သတင်းဆောင်းပါးတွေရေး ရပ်တည်ခဲ့ရသည်။သူရိယနေဝန်းဂျာနယ် ထုတ်ဝေသူနာမည်နေရာမှာ မိုးဟိန်းရဲ့အကိုအရင်းဖြစ်သူ မြန်မာနိုင်ငံသားဖြစ်တဲ့ ရဲအရာရှိပြုတ်ခင်အေးကိုထည့်သွင်းထားခဲ့တာကြောင့် မိုးဟိန်းဂျာနယ်ဟာ ဆက်လက်ရပ်တည်ခွင့်ရခဲ့သည်။မိုးဟိန်းဟာသူရိယနေဝန်းအပြင် သံမဏ္ဏိနှင်းဆီအမည်နဲ့ ဂျာနယ်တစ်စောင်လည်းပိုင်ဆိုင်သေးသည်။ထိုသံမဏိနှင်းဆီ ဂျာနယ်ဟာလည်းမိုးဟိန်းဦးဆောင်ကာ ၎င်းရဲ့ဆွေမျိုးများနှင့်သာ ထုတ်ဝေနေသောဂျာနယ်ဖြစ်သည်။လွန်ခဲ့သော ၂၀၁၇ခုနစ်ဧပြီလတွင်းက သံမဏိနှင်းဆီဂျာနယ်အယ်ဒီတာ တစ်ဦးဂျာနယ်တိုက်တွင်းအသတ်ခံရပြီး ပုပ်ပွသေဆုံး ဟူ၍သတင်းထွက်ပေါ်လာခဲ့သည့်အချိန်မှာ လူထုနှင့်တကွစာဖတ်ပရိတ်သတ်အပါအဝင် ဂျာနယ်လောကသားများက များစွာစိတ်မကောင်းကြောင်း တန်ဖိုးရှိတဲ့ကလောင်ရှင်တစ်ဦးကိုရက်စက်စွာအကြံရှိရှိသတ်ဖြတ်သွားတာကို ရှုံ့ချကြောင်း Eleven Media အပါအဝင်အခြားဂျာနယ်များမှရေးသားခဲ့ကြသည်။ထိုအသတ်ခံရသည့်အမျိုးသားမှာ မိုးဟိန်း၏အမဖြစ်သူကမွေးဖွားသည့် မိုးဟိန်းတူအရင်းဖြစ်သည်။ထိုအသတ်ခံရသည့်ကိစ္စမှာ အိမ်ထောင်နှင့်ကလေးတစ်ယောက်ရှိသူအမျိုးသမီးနှင့် မိုးဟိန်းတူအရင်းဖြစ်သူတို့မှာ ချစ်ကြိုက်ခဲ့ကြပြီး ဟိုတယ်တွင်အတူတကွ နေထိုင်သည့်သတင်းများကို ၎င်းအမျိုးသမီး၏လင်ယောက်ျားဖြစ်သူမှ သိရှိခဲ့ပြီး မိုးဟိန်းတူအရင်းဖြစ်သူမှာ အသတ်ခံခဲ့ရကြောင်းရဲမှတ်တမ်းများအရပေါ်လွင်ခဲ့သည်။ထိုအချိန်တွင် စာဖတ်ပရိသတ်နဲ့ဂျာနယ်လောကသားများမှာ အသတ်ခံရသည့်အကြောင်းသိလိုက်ရသည့်အခါ ဆွံ့အ ခဲ့ကြရသည်။၂၀၁၅ ရွေးကောက်ပွဲကျင်းပပြုလုပ်ပြီး NLD အစိုးရတက်လာခဲ့တဲ့နောက်ပိုင်း မိုးဟိန်းခမျာ မျှော်လင့်ချက်များစွာနဲ့သာကူးလာခဲ့တယ်။သူထင်သလို ဒေါ်အောင်ဆန်းစုကြည်ဦးဆောင်တဲ့ NLD အစိုးဟာ သူ့ကိုလူရာသွင်းမလားဆိုမျှော်လင့်ချက်တွေကို ဥပေက္ခာပြုခဲ့ပါတယ်။သူရဲ့ သမိုင်းဆိုးနဲ့ သူဘဝနဲ့ထိုက်တန်တဲ့အရာက ယနေ့အာဏာသိမ်းကောင်စီလက်ထက်မှမဟုတ်ဘဲ ယခင်စစ်အစိုးရလက်ထက်တည်းကလက်ကိုင်တုတ် စွမ်းအားရှင် ခေတ်စကားအရ အဘဘောမ အဖြစ်ရပ်တည်လာခဲ့တာဘဲ။
Chittmyo 

တူမမယားဖြစ်သူစန္ဒီသည်သားတယောက်နှင့်Queen NY USA တွင်နေထိုင်ကြောင်းသိရပါသည်။