Thursday, October 28, 2021

ပုသိမ်မြို့လယ်ခေါင် ပစ်ခတ်မှုကြောင့် တပ်ကြပ်ကြီး ဇော်မင်းထက်နှင့် တပ်ကြပ် မြတ်မင်းဦးတို့ သေဆုံး

ပုသိမ်မြို့လယ်ခေါင်၊ နေ့ခင်းအချိန် ယာဉ်ထိန်းရဲကင်းကို သေနတ်ဖြင့် ပစ်ခတ်မှုကြောင့် တပ်ကြပ်ကြီး ဇော်မင်းထက်နှင့် တပ်ကြပ် မြတ်မင်းဦးတို့ သေဆုံး

ရန်ကုန်၊ အောက်တိုဘာ ၂၉ 

ဧရာဝတီတိုင်း၊ ပုသိမ်မြို့လယ်ခေါင်တွင် အောက်တိုဘာလ ၂၈ ရက်နေ့  နေ့လယ်ပိုင်း မြကျွန်းသာမီးပွိုင့် ယာဥ်ထိန်းရုံးကို အမည်မသိသူတချို့က ဝင်ရောက်ပစ်ခတ်ခဲ့ပြီး ပစ်ခတ်မှုကြောင့် ယာဉ်ထိန်း ရဲ ၂ ဦး သေဆုံးသွားကြောင်း ရန်ကုန်ခေတ်သစ်က သတင်းဖော်ပြခဲ့ပြီးဖြစ်သည်။ 

ပုသိမ်ဒေသခံများ၏အဆိုအရ ပစ်ခတ်မှုကြောင့် သေဆုံးသွားသော ယာဉ်ထိန်းရဲ ၂ ဦးမှာ ယာဉ်ထိန်းတပ်ကြပ်ကြီး ဇော်မင်းထက်နှင့်တပ်ကြပ် မြတ်မင်းဦးတို့ ဖြစ်ကြောင်း သိရှိသည်။ 

"တစ်ဦးကတော့ ပွဲချင်းပြီးသေတာ။ နောက်တစ်ဦးကတော့ ဆေးရုံရောက်မှ သေတာ။ ပစ်သွားတာကလည်း အရမ်းမြန်တော့ ဘယ်သူမှန်းတောင် မသိလိုက်ကြဘူး။ ပုသိမ်မှာတော့ ဒီနေ့ စစ်တပ်က အင်အားများတယ်။ လမ်းဆုံလမ်းခွနဲ့ နေရာတိုင်းလိုလိုမှာ တွေ့ရတယ်" ဟု ပုသိမ်မြို့ခံတစ်ဦးက ပြောဆိုသည်

No comments: