Sunday, October 24, 2021

အိမ်စီးကား (၂) စီးကို KIA မီးရှို့ဖျက်ဆီး

လဂျားဘွမ်ကျေးရွာကြားမှာ စစ်ကောင်စီ အရာရှိတွေ စီးနင်းလာတဲ့ အိမ်စီးကား (၂) စီးကို KIA မီးရှို့ဖျက်ဆီး
▪️▪️▪️▪️▪️▪️▪️▪️▪️▪️▪️▪️▪️▪️▪️▪️
အောက်တိုဘာ၊ ၂၄ 

ကချင်ပြည်နယ်၊ ရှင်​ဗွေယန်မြို့နယ်၊ လဂျားဘွမ်​ကျေးရွာကြားမှာ တနိုင်းဘက်က တက်လာတဲ့ အိမ်စီးကား (၂) စီးကို စစ်​ကောင်စီတပ်‌တွေရဲ့ကားဖြစ်​ကြောင်း ယူဆပြီး ကချင်လွတ်လပ်ရေးတပ်မတော်(KIA) ပြည်သူ့ကာကွယ်​ရေးတပ် (MHH) တပ်​တွေက​နေ မီးရှို့ ဖျက်ဆီးခဲ့တယ်လို့ ​ဒေသခံတစ်ဦးဆီက​နေ သိရပါတယ်။ 

အဲဒီကားတွေဟာ HILUX နဲ့ NOAH တွေဖြစ်ပြီး တနိုင်းဘက်က​နေ ရှင်​ဗွေယန်ဘက်ကို အင်အားဖြည့်ဖို့သွားလိုက်တဲ့ စစ်​ကောင်စီတပ်​တွေ​နောက်ကို လိုက်လာတဲ့ အကြမ်းဖက်စစ်​ကောင်စီရဲ့ အရာရှိ​တွေစီးလာတဲ့ ကားလို့ ယူဆပြီး ဒီက​နေ့ ​အောက်တိုဘာလ (၂၄) ရက်​နေ့ နံနက်ပိုင်း (၅) နာရီ မိနစ် (၄၀) ခန့်​လောက်က မီးရှို့ဖျက်ဆီးခဲ့တာ ဖြစ်တယ်လို့ ​ဒေသခံက ဆိုပါတယ်။ 

" ကားက​တော့ အိမ်စီးကားလိုပဲ ဟုတ်တယ်။ တနိုင်းဘက်က​နေ လာတာ လဂျားဘွမ်ကြားမှာ မီးရှို့ခံရတာဟုတ်တယ်။ စစ်​ကောင်စီဘက်က ကား​နေမှာ။ ဒီဘက်မှာက ည (၆) နာရီ ကနေ မနက် (၆) နာရီထိ မသွားဖို့ ​ပြောထားတာ။ အ​စောကြီး သွားတာဆို​တော့ သူတို့ပဲ ​နေမှာ" လို့ ​ဒေသခံက ​ပြောပါတယ်။ 

ပြီးခဲ့တဲ့ ​အောက်တိုဘာလ (၂၂) ရက်​နေ့မှာလည်း လဂျားဘွမ်​ကျေးရွာ နဲ့ တရုံ​ကျေးရွာကြားမှာ စစ်​ကောင်စီစစ်​ကြောင်းကို ကချင်လွတ်လပ်​ရေးတပ်မ​တော်( KIA)က မိုင်းခွဲတိုက်ခိုက်ခဲ့ပါတယ်။

No comments: