Sunday, November 7, 2021

"စံပြ မြတ်ဒလန်"


❌ မြတ်ဒလန် ပရိုဖိုင်းလ်

ဆရာမဒေါ်လှလှသန်းဟာ - ပြည့်စုံကြွယ်ဝပြီး အိမ်ကြီးအိမ်ကောင်းနဲ့ နေထိုင်တဲ့ မုဆိုးမတစ်ယောက်ပါ။ပုံမှန်အားဖြင့်တော့ ကိုယ်ပိုင်ကားနဲ့ ကျောင်းကိုသွားလေ့ရှိပြီး အခင်းဖြစ်တဲ့နေ့မှာတော့ Taxi ကို ငှါးစီးခဲ့ပါတယ်။စားဝတ်နေရေး မပြေလည်လို့ Non Cdm လုပ်လိုက်ရပါတယ်ဆိုတာ သတင်းအမှားပါ။( မယုံရင် မြောက်ဥက္ကလာ၊နွယ်နီ ၃လမ်းကို ကိုယ်တိုင်သွားလေ့လာကြပါ )

      ဆရာမဒေါ်လှလှသန်းဟာ တပည့်တွေအပေါ်မှာ ဆင်းရဲ၊ချမ်းသာ လူတန်းစားအင်မတန်ခွဲတတ်သလို - ကျောင်းမှာဆိုရင်လည်း သူ့ရဲ့ စာသင်ချိန် တော်တော်များများကို ဖုန်းတစ်လုံးနဲ့ "ကလင်ဒါကျ -ပေတံခေါက် - ပါဝါချိန်း"ဆိုတဲ့ အတွက်အချက်တွေနဲ့ပဲ ကုန်ဆုံးသွားတာများတယ်လို့ သူ့တပည့်တွေကိုယ်တိုင်ကပြောပါတယ်။

     သူ့မှာ အရွယ်မရောက်သေးတဲ့ ကလေးတစ်ယောက်ကျန်ခဲ့တယ်ဆိုတာလည်း - သတင်းအမှားပါ။ သူ့သမီး အရိုး၊အကြောအထူးကု ဆရာဝန်မက အရွယ်ရောက်လို့ စစ်ဗိုလ်တစ်ယောက်နဲ့ အိမ်ထောင်ကျပြီး သားယောက်ျားလေးတောင် ရနေပါပြီ။

        ဒေါ်လှလှသန်းရဲ့ သမီးစစ်ဗိုလ်ကတော် ဆရာဝန်မကလည်း မြောက်ဥက္ကလာဆေးရုံက - စူပါ Non Cdm သမားတစ်ယောက်ပါ။သူ့ရဲ့ လုပ်ဖော်ကိုင်ဖက် Cdm တွေကို ဖုန်းဆက်ပြီး အလုပ်ပြန်ဝင်ကြဖို့ ဇွတ်အတင်း ဖိအားပေးလေ့ရှိပါတယ်။ "အလုပ်ပြန်မဝင်ရင် နင်တို့နာမည်တွေကို - စကစကိုပေးလိုက်မယ်"လို့ခြိမ်းခြောက်ကာ - အပြောမဟုတ် - လက်တွေ့လည်းလုပ်ပြတယ်ဆိုပြီး သူ့ရဲ့ ဘော်ဘော် Cdm ဆရာဝန်အသိုင်းအဝိုင်းကပြောကြပါတယ်။

 

❌ မြတ်ဒလန်တို့ရဲ့ နေဝင်ချိန်

( 1 )  ဆရာမဒေါ်လှလှသန်းက ကျောင်းသားကလေးတွေရဲ့လိပ်စာတွေကို စခတွေဆီ - အကြိမ်ကြိမ်လက်ထောက်ချပြီး ဖမ်းခိုင်းခဲ့ပါတယ်။ သူ့ကြောင့် အဖမ်းခံရတဲ့ ကျောင်းသားလေးတွေ အများကြီးရှိနေသလို - ခုချိန်ထိ ထွက်ပြေးတိမ်းရှောင်နေတဲ့ အရေအတွက်ဆိုတာကလည်းမနည်းလှပါဘူး။

     အရင်ကလဲ ( မြောက်ဥက္ကလာ -  နွယ်နီ ၃လမ်းမှာ ) ကလေးမလေး၃ယောက် သံပုံးတီးလို့ဆိုပြီး စခတွေကို တိုင်ခဲ့လို့ ကလေးတွေခမျာ အဖမ်းခံလိုက်ရတဲ့ အဖြစ်အပျက် မျိုးတွေလည်းရှိခဲ့ပါတယ်။


https://m.facebook.com/story.php?story_fbid=212350197650468&id=103637985188357


( 2 ) အဖမ်းခံနေရတဲ့သူတွေ သိပ်ကိုများလာလို့ ဒလန်ဆက်မလုပ်ဖို့ ဆရာမကို နောက်ဆုံးအကြိမ်အထိ မေတ္တာရပ်ခံပြီး သတိပေးခဲ့ပါတယ်။


https://www.facebook.com/103439251912171/posts/210702477852514/?d=n 


❌ မြတ်ဒလန်ဆိုတာ မြတ်ဆရာမဟုတ်


*အနန္ဒော အနန္ဒဂိုဏ်းဝင်မို့လို့ အမှန်တရားဘက်မှာရပ်တည်ပြီး Cdm လုပ်စေချင်တာပါ။ "ငါတို့ကတော့ အခြေအနေအရ - Non CDM လုပ်ရတာပါ"လို့ ဆိုတော့လဲ - လူတစ်ဦးချင်းစီရဲ့ ကိုယ်ပိုင် လွတ်လပ်ခွင့်ဖြစ်လို့ နားလည်မိပါတယ်။လုပ်ပါ ကိုယ့်ရပ်တည်ချက်နဲ့ကိုယ်ပဲလေ။

    ဒါပေမဲ့ Non CDM လုပ်ရုံနဲ့အားမရ - ဒလန်အလုပ်ကိုခုံမင်လာပြီဆိုရင်တော့ - မသိသလိုနဲ့ ဖါသိဖါသာ နေလို့မရတော့ပါဘူး။

သေနတ်ဆိုတာမျိုးက ကျည်ဆံကုန်သွားရင် ရပ်သွားနိုင်ပေမဲ့ ဒလန်တွေရဲ့ပါးစပ်ကို ရပ်သွားဖို့ဆိုတာကတာ့ ------

       အဲဒိလမ်းကို မလျှောက်ချင်လို့ ဒလန်ဆက်မလုပ်ပါနဲ့တော့လို့ အခါခါသတိပေးပြီး မေတ္တာရပ်ခံခဲ့ပါတယ်။ဒါပေမဲ့ ------ ဂုဏ်သိက္ခာရှိပြီး - တပည့်တွေရဲ့ ကိုးကွယ်ခံဘဝကနေ အောက်ဆုံးအထိခုန်ချလိုက်ပြီး - "မြတ်ဆရာ"ကနေ "မြတ်ဒလန်" အသွင်ကိုပြောင်းသွားခဲ့ပြီပဲလေ။

   ဘယ်တတ်နိုင်မှာလဲ - ဒါ သူကိုယ်တိုင် ရွှေ့ယူလိုက်တဲ့သူ့ဘဝပဲလေ။ သူဒလန်လုပ်ခဲ့လို့ ငယ်ရွယ်နုပျိုတဲ့ ဘဝပေါင်းများစွာဟာလည်း ကြေမွခဲ့ရပြီ ။ ဉာဏ်မစောင့်တဲ့ - အသက်တစ်ချောင်းရဲ့ပိုင်ရှင် "မြတ်ဒလန်"ကို နောင်သံသရာတစ်ကွေ့မှာ ပြန်ဆုံမိခဲ့ရင်တော့ "မြတ်ဆရာ"ဆိုပြီး ကျေကျေနပ်နပ်ကြီးသက်မှတ်လို့ရနိုင်ပါရစေလို့ ဆုတောင်းပါတယ်။


"ကိုယ်ပြုသည့်ကံ ကိုယ့်ထံ ပဲ့တင်လာလိမ့်မည်"


ပိုးဝတီ

No comments: